"Qərbin qapısının Türkiyənin üzünə bağlanması onu Şərqə üz tutmağa vadar etdi"

Türkiyə prezidenti Rəcə Tayyib Ərdoğan yaxın günlərdə İrana rəsmi səfərə yollanacaq.

NATO üzvü olan, Avropa İttifaqına daxil olmaq istəyən Türkiyə son zamanlar Qərbin əsas rəqibləri Rusiya və İranla yaxınlıq edir.

Ərdoğan əvvəlcə Rusiyaya səfər etdi, indi də İrana səfər edəcək. Bir çox analitiklər bildirir ki, son zamanlar Türkiyə üzünü Qərbdən Şərqə tərəf tutub. Qərbin Türkiyənin bu hərəkətinə necə reaksiya verəcəyi maraqla gözlənilir.

Bu məsələrlə bağlı Ölkə.Az millət vəkili Araz Əlizadənin fikirlərini öyrənib:

"Çörçilin belə bir sözü var idi, siyasətdə daimi dostlar, daimi düşmənlər yox, daimi maraqlar olur. Tale elə gətirib ki, Türkiyənin maraqları Qərbdə deyil, Şərqdədir.

Türkiyə uzun müddət Qərbin qapısında gözlədi, ancaq həmin qapılar onun üzünə açılmadı. Ona görə də, Türkiyə bu addımı atmalı oldu. Gələcəkdə nə baş verəcək indidən proqnozlaşdırmaq çətindir. Hadisələr çox sürətlə inkişaf edir. Ona görə hər şeyi zaman göstərəcək".

Səxavət Məmməd
Ölkə.Az