“Azərbaycandan Əliyevlə bağlı zəng gəldi...”
Türkiyənin prezident Ərdoğana yaxınlığı ilə tanınan “Sabah” qəzeti FETO qruplaşması ilə bağlı sensasion yazı hazırlayıb.
“Qafqazinfo” xəbər verir ki, materialda bildirilir ki, Türkiyə Fətullahçı təşkilatına qarşı təkcə Türkiyədə deyil, ümumilikdə dünyanın 170 ölkəsində mübarizə aparır.
Qəzet FETÖ-nün xaricdəki təşkilatlanması ilə bağlı Gülənin Qafqazdakı önəmli şəxslərindən olan, Gürcüstanda bir çox məktəbin tikintisində iştirak edən Hayati Küçüklə söhbətləşib.
Jurnalistin “Azərbaycanda FETÖ ilə mübarizə aparıldığı yazılır. Azərbaycanda güclərini qoruyurlarmı” sualına cavab olaraq Küçük bildirib ki, bu ölkədə daha çox gizli fəaliyyət göstərirlər:
“Lakin mövcuddurlar. FETÖ hər zaman bunu deyərdi. Biz girdiyimiz yerdən bir daha çıxmırıq. Rusiya bağladıq desə də, federasiya içərisində hələ də mövcuddurlar. Bir gün Pensilvaniyada toplantı zamanı Azərbaycandan prezident İlham Əliyevin təşkilat üçün ciddi problem yaratması ilə bağlı telefon zəngi gəldi. FETÖ eyni ilə bunu dedi: “Özünü Xəzərə tökdürtməsin mənə”. Bu bir reallıqdır, İlham Əliyev düşərsə, Azərbaycan da düşər”.
