Türkiyə ordusunun Suriyaya girməsi nə ilə nəticələnə bilər?

"Bu çox güman ki, İŞİD-in bir müddət öncə Türkiyəyə endirdiyi zərbələrin cavabıdır".

Bu fikirləri Ölkə.Az-a açıqlamasında politoloq Zərdüşt Əlizadə Türkiyə ordusunun Suriyanın Cerablus şəhərində keçirdiyi hərbi əməliyyatları şərh edərkən səsləndirib.

Politoloq bildirib ki, uzunmüddətli hərbi əməliyyatların həyata keçirilməsi inandırıcı görünmür:

"Bu, indiki konkret hədəfi olan qısamüddətli hərbi əməliyyatdır və İŞİD-in Türkiyədə törətdiyi qanlı terror aktlarına cavabdır", - deyə politoloq vurğulayıb.

Qeyd edək ki, Türkiyə silahlı qüvvələrinin xüsusi təyinatlı birlikləri Suriyanın Cerablus şəhərində əməliyyata başlayıb.

Hələb vilayətinə bağlı Cerablus rayonunun İŞİD terrorçulardan təmizlənməsi türk ordusunun qarşısına qoyulan tapşırıqdır.

Türkiyə ordusunun komandanlığından verilən məlumata görə, ümumilikdə 63 İŞİD hədəfi türk artilleriyası tərəfindən vurulub.

İntiqam VALEHOĞLU
Ölkə.Az