Elmar Məmmədyarov Avropaya gedir
Xarici işlər naziri Elmar Məmmədyarov Almaniyaya səfər edəcək.
Nazirliyin mətbuat xidmətindən Ölkə.Az-a daxil olan xəbərdə bildirilir ki, nazir səfər zamanı 1 sentyabr 2016-cı ildə Almaniyanın Potsdam şəhərində keçiriləcək ATƏT üzv dövlətlərinin xarici işlər nazirlərinin qeyri-rəsmi toplantısında və 3 sentyabr 2016-cı ildə isə Slovakiyanın paytaxtı Bratislava şəhərində keçiriləcək Avropa İttifaqı üzv dövlətlərinin Şərq Tərəfdaşlığı ölkələri ilə qeyri-rəsmi görüşündə iştirak edəcək.
Elmar Məmmədyarovun hər iki tədbirdə çıxışı və bir sıra ikitərəfli görüşləri nəzərdə tutulub.