Nemət Pənahlı Milli Şuranın mitinqinə açıq dəstək vermədi: "Həbsdən yeni çıxmışam, problemlərim çoxdur"
Azərbaycan Milli Dövlətçilik Partiyasının Sədri Nemət Pənahlı Milli Şuranın sentyabrın 11-ə təyin etdiyi mitinqə qatılıb-qatılmayacağına aydınlıq gətirib.
N.Pənahlı Ölkə.Az saytına açıqlamasında deyib:
“Hazırda şəxsi problemlərimi həll etməklə məşğulam. Milli Şuranın mitinq məsələsinə gəlincə, mən həbsxanadan yeni çıxmışam, problemlərim çoxdur. Hazırda başım bu məsələlərə qarışıb”.
N.Pənahlı gələcəkdə partiyasının Milli Şurada yer alması məsələsinin gündəmdə olmadığını da qeyd edib:
“Bu barədə Milli Şurada yer alan və almayan siyasi partiyalarla bir neçə dəfə söhbətlərimiz olub. Hazırda bu məsələ gündəmdə deyil”.
Xatırladaq ki, Milli Şura sentyabrın 11-ə mitinq təyin etsə də, bir çox müxalifət partiyasının dəstəyini ala bilməyib.
Zaur Əziz
