Referendumda \"Exit-poll\" keçirmək üçün MSK-ya müraciət olundu

Mərkəzi Seçki Komissiyasının (MSK) bu gün keçirilən iclasında sentyabrın 26-na təyin olunmuş Azərbaycan Respublikasının Konstitusiyasına əlavə və dəyişikliklərlə bağlı referendumda "Exit-poll" keçirmək üçün müraciət edən təşkilatların qeydə alınması məsələsinə baxılıb.

Ölkə.Az saytının məlumatına görə, iclasda çıxış edən MSK sədrinin müavini Natik Məmmədov bildirib ki, "Exit-poll" keçirmək üçün müraciət edən təşkilatlar araşdırılıb.

N.Məmmədov deyib ki, müraciət edən təşkilatlardan Vətəndaşların Əmək Hüquqlarının Müdafiəsi Liqası, “Vətəndaş Cəmiyyəti Uğrunda” Müstəqil Məsləhət və Yardım Mərkəzi və ELS Müstəqil Araşdırmalar Mərkəzi "Exit-poll" keçirmək sahəsində lazımi təcrübəyə malikdirlər:

“Həmin təşkilatların qeydə alınması üçün kifayət qədər əsaslar var”.

Daha sonra məsələ səsverməyə qoyulub və müraciət edən təşkilatlar "Exit-poll" keçirmək üçün MSK tərəfindən qeydə alınıb.

Qeyd edək ki, "Exit-poll" keçirmək üçün müraciət edən Rəy Monitorinq Mərkəzinin qeydə alınması məsəıləsinə isə MSK-nın növbəti iclasında baxılacaq.

Ölkə.Az