“Müqəddəs dinimizi siyasi alət kimi istifadə etməməliyik”
Milli Şuranın mitinqlərindən sonra Azərbaycanda ən çox müzakirə olunan mövzulardan biri də həmin mitinqlərdə dini şüarların səsləndirilməsidir.
Müxalifətin təşkil etdiyi mitinqlərdə radikal ekstrimistlərin iştirakı cəmiyyətdə də müzakirəyə səbəb olub. Mitinqlər zamanı "Allahu-əkbər" şüarları adi hal alıb.
Məsələ ilə bağlı "D18" siyasi hərəkatının sədri, müxalifətçi kimi tanınan Ruslan İzzətli Ölkə.Az-a açıqlama verib:
"Biz siyasətdə ideolojgiya fərqi qoymadan pozulan hər kəsin hüququnu müdafiə etməliyik. İnsanları dindarlığına, solçuluğuna, millətçiliyinə görə qruplaşdırmamalıyıq. Özümüzün isə siyasətdə qırmızı xəttlərimiz olmalıdır. Bir dindarın haqqı pozulursa, hicab, məscid problemi varsa, biz onları müdafiə etməliyik. Ancaq kütlə yanımıza gəlsin, çoxlu sayda tərəfdaş yığmaq xətrinə dindən istfadə etməməliyik. Din dövlətdən ayrı olmalıdır. Dünyəviliyin əsas qırmızı xətti də budur. Biz müqəddəs dinimizi siyasi alət kimi istifadə etməməliyik. Bu gün kimlərəsə bu xoş gələ bilər, bundan kimlərsə yararlana bilər, amma istəmirəm ki, sabah Azərbaycan da siyasi İslamın alətinə çevrilsin".
Səxavət Məmməd
