Azərbaycan prezidenti Dəmirəlin məzarına çələng göndərib

Türkiyənin keçmiş prezidenti Süleyman Dəmirəl 92-ci ad günündə Spartanın İslamköy rayonu, Çalcatəpədəki qəbri başında yad edildi.

Ötən il 17 iyun tarixində vəfat edən Süleyman Dəmirəlin ad günündə anadan olduğu İslamköyün girişində və kəndin içərisində bir çox banner asılıb.

Ölkə.Az xəbər verir ki, Azərbaycan prezidenti İlham Əliyev də Süleyman Dəmirəlin məzarına çələng göndərib. Bu çələng Türkiyə mətbuatının diqqətinə səbəb olub.

Süleyman Dəmirəli Türkiyə Milli Məclisinin keçmiş sədri İsmət Sezgin, keçmiş nazirlər Yaşar Topçu, Esat Kıratlıoğlu, Hamdi Üçpınarlar, Vefa Tanır və digər rəsmilər yad ediblər.

Hikmət
Ölkə.Az