Ukrayna NATO-dan imtina etdi

Ukrayna NATO-ya getməkdən imtina edib?

Ölkə.Az xəbər verir ki, NATO-nun baş katibi Yens Stoltenberq bəyan edib ki, Ukraynanın alyansa qəbul edilməsi məsələsi gündəmdə deyil. Bunun səbəbi isə, Ukrayna rəhbərliyinin hələ də NATO-ya qəbul olmaq üçün lazımi sənədlər təqdim etməməsidir.

Katibin sözlərinə görə, Ukraynanın NATO-ya qatılması sonuncu dəfə 2008-ci ildə Buxarestdə keçirilən sammit zamanı müzakirədə olub və o vaxtdan bəri bu məsələ toxunulmaz qalıb.

"Buxarestdə keçirilən sammitdə biz Gürcüstan və Ukraynanın NATO-nun üzv-dövlətləri olacağını bəyan etməyi qərara aldıq. O vaxtdan bəri Ukrayna üzv olmaq üçün rəsmi müraciət etməyib. Bizim təşkilat "açıq qapılar" siyasətini dəstəkləyirik və hər bir dövlət müstəqil şəkildə öz müqəddaratını müəyyən etməlidir", - deyə NATO-nun baş katibi qeyd edib.

Xatırladaq ki, 6 il əvvəl "Коммерсант" qəzetində çıxan məqalədə qeyd olunurdu ki, Buxarest Sammitində Putin Ukraynanın NATO-ya gedəcəyi halda Krım və Şərqi Ukrayna ərazilərini işğal edəcək.

Rəşid Mustafazadə

Ölkə.Az