İtaliya Qarabağ münaqişəsinin həlli üzrə səy göstərməyə hazırdır
İtaliya ATƏT-ə sədrliyi və BMT Təhlükəsizlik Şurasının qeyri-daimi üzvü olduğu müddətdə Avropadakı dondurulmuş münaqişələrin, o cümlədən Qarabağ münaqişəsinin sülh yolu ile həli üzrə səy göstərməyə hazırdır.
Bu barədə İtaliya xarici işlər naziri Paolo Centiloni Bakıda Azərbaycanın XİN rəhbəri Elmar Məmmədyarov ilə danışıqların yekunu üzrə brifinqdə deyib.
P.Centiloni bildirib ki, İtaliya ATƏT məkanında demokratik proseslərin inkişafına xüsusi diqqət ayırmaq niyyətindədir.
İtaliya XİN rəhbəri Ermənistan-Azərbaycan Dağlıq Qarabağ münaqişəsinə toxunaraq problemin danışıqlar yolu ilə həllinin tapılmasında İtaliyanın öz töhfəsini verə biləcəyini söyləyib.
“Dağlıq Qarabağ münaqişəsinə gəldikdə isə, həmsədrlərin işinin gücləndirilməsi üçün səylərimizi əsirgəməyəcəyik”, - o deyib. (oxu.az)
