Dağıstanın başçısına qarşı aclıq aksiyası başladı
"Ədalətli Rusiya" partiyasının Dağıstan şöbəsinin üzvləri aclıq aksiyasına başlayıblar
Ölkə.Az Chernovik.net saytına istinadən xəbər verir ki, bu gün saat 10:00-da "Ədalətli Rusiya" partiyasının Dağıstan fəalları respublikanın başçısı Ramazan Əbdüllətifovun istefası tələbi ilə aclıq aksiyasına başlayıblar. Etiraz edənlərin digər tələbi isə Dağıstanın dövlət idarələrində korrupsiyanın ləğv olunmasıdır.
Partiyadan bildirilib ki, aclıq aksiyasının və dağıstanlıların konstitusion hüquqlarının müdafiəsi tələbi ilə keçirilən mitinqin təşkil olunması haqqında qərar hələ 27 sentyabda qəbul edilib.
Etirazçıların fikrincə, Ədliyyə Nazirliyi Dərbənd və Mahaçqalada 25 və 26 oktyabr tarixində aksiyaların keçirilməsinə icazə verilməyib.
Rəşid Mustafazadə
Ölkə.az
