London Türkiyə-Ermənistan əlaqələrinin normallaşmasıda maraqlıdır

Böyük Britaniya hesab edir ki, daha əvvəl imzalanmış Ermənistan-Türkiyə protokolları həyata keçirilməlidir

Bunu Yerevanda Böyük Britaniyanın Avropa məsələləri üzrə naziri Devid Lidinqton deyib.

Onun sözlərinə görə, protokollar irəliyə doğru hərəkət etməyə imkan verir: "London Türkiyə-Ermənistan münasibətlərinin normallaşmasının tərəfdarıdır.

D.Lidinqton Ermənistan xarici işlər nazirinin Türkiyə Prezidentinin andiçmə mərasimində iştirakını müsbət qiymətləndirib.

Qeyd edək ki, 2009-cu il oktyabrın 10-da Türkiyə və Ermənistan xarici işlər nazirləri Əhməd Davudoğlu və Edvard Nalbandyan iki ölkənin əlaqələrinin normallaşdırılması haqqında protokollar imzalamışdılar. Lakin protokollar ölkələrin parlamentlərində ratifikasiya olunmadı.

İki ölkə arasında diplomatik əlaqələr 1993-cü ildən dayandırılıb.(Trend)

Ölkə.Az