Əfv fərmanından sonra AŞ-da Azərbaycanı təriflədi
Avropa Şurası dəfələrlə ölkədə insan hüquqları problemləri haqqında Azərbaycana xəbərdarlıq edib lakin, birgə tədbirlər nəticəsində artıq vəziyyətin yaxşılaşdırılması yönündə inkişaf yaranıb
Bu barədə Avropa Şurasının baş katibi Turbern Yaqland bildirib.
"Üç həftə əvvəl, Azərbaycan Prezidenti İlham Əliyev aralarında dörd hüquq müdafiəçisi olan 80 məhbusu əfv edib. Bu hərəkət ABŞ və AŞ tərəfindən müsbət qarşılanıb” – deyə Yaqland “The Guardian” nəşrinə müsahibəsində bildirib.
Yaqland insan haqqları məsələləri ilə əlaqədar hüquq müdafiəçiləri, parlamentari və prezident administrasiyası üzvləri eləcə də mütəxəssislərdən ibarət işçi qrupun yaradılması ilə bağlı bu ilin avqust ayında prezident İlham Əliyevlə razılaşdığını deyib.
"Biz bu qrupun vətəndaş cəmiyyəti ilə Azərbaycan hakimiyyət orqanları arasında danışıqların inkişafına yol açacağına və bunun da fəalların azad olmasına gətirib çıxaracağına ümid edirik" – deyə Avropa Şurasının rəhbəri bildirib.
Baş katib bəzi beynəlxalq və Azərbaycan QHT-lərin şikayətləri ilə əlaqədar olaraq AB-nin Venesiya Komissiyasına qeyri-hökumət təşkilatlarının fəaliyyəti ilə bağlı Azərbaycanın müvafiq Avropa standartları qanunlarına uyğunluğunu mütəmadi olara izləmək tapşırığını verdiyini bildirib.
Qeyd edək ki, “The Guardian”da dərc olunan məqalə noyabrda Azərbaycanın Avropa Şurası Nazirlər komitəsinə altı aylıq sədrliyinin başa çatmasına həsr edilib. (Anspress)
Ölkə.Az
