Vurğun Əyyub: "Xahiş edirəm ciddi adamlardan danışın!"

Müsavatın sabiq Divan üzvü Vurğun Əyyubun Xəzər Universitetində kafedra müdiri vəzifəsinə təyin olunduğu haqda məlumatlar yayıldı.

Bu məsələ ilə bağlı Mustafa Hacıbəyli Musavat.com saytına açıqlamasında bildirib ki, "İlham Əliyevin portretinin altında oturub işləmək, eyni zamanda özünü İsa Qəmbərdən artıq müsavatsevər göstərmək bir o qədər inandırıcı görsənmir. Bu, anormallıqdır. Təəssüf edirəm ki, partiyada müəyyən adamlar özlərini İsa bəydən artıq müsavatsevər kimi göstərirlər”.

Vurğun Əyyub Ölkə.az-a verdiyi açıqlamasında bu hadisə ilə bağlı onun haqqında mənfi fikir səsləndirən adamların fikirlərinə əhəmiyyət vermədiyini bildirib.

Vurğun Əyyubdan Mustafa Hacıbəylinin fikrinə münasibət bildirməsini istəyəndə isə "Xahiş edirəm ciddi adamlardan danışın" deyə cavab verib.

Səxavət Məmməd
Ölkə.az