Obama Putinlə görüşməyəcək

İki hegemon dövlətin lideri qeyri-rəsmi görüş keçirə bilər.

Ölkə.Az Reuters agentliyinə istinadən xəbər verir ki, noyabrın 10-da Pekində Asiya-Sakit Okean İqtisadi Əməkdaşlığı (APEC) təşkilatına üzv ölkə başçılarının sammiti start götürəcək.

Bundan əlavə, noyabrın 15 və 16-da Avstraliyanın Brisben şəhərində "Böyük iyirmilik" sammiti baş tutacaq.

ABŞ prezidenti Barak Obama Avstraliyada hər iki tədbir zamanı Rusiya prezidenti Vladimir Putinlə rəsmi görüş keçirmək fikrində olmadığını bildirib. ABŞ rəsmiləri liderlərin qeyri-formal söhbət aparacaqlarının istisna olmadığını qeyd ediblər:

"Ola bilsin ki, APEC sammiti çərçivəsində prezidentlərin qeyri-formal müzakirə aparmaq üçün zaman və şansları olacaq", - deyə, bildirilib.

Onu da bildirək ki, Obama noyabrın 10-12-də Pekinə və APEC görüşünə yollanacaq.

Rəşid Mustafazadə

Ölkə.Az