Rusiya terrorçularla danışığa gedir?
Rusiyanın xarici işlər naziri Sergey Lavrov Suriyadakı müxalif qruplaşmalarla görüşəcək. Görüş iki gün sonra, yəni 27 yanvar tarixində baş tutacaq.
Tanınmış siyasətçi Arzu Nağıyev Ölkə.Az-a açıqlamasında bildirib ki, S.Lavrov yanvarın 27-də Suriyanın müxalifət qüvvələrlə görüşəcək. Onun sözlərinə görə, Rusiya rəsmisi terrorçularla görüşməyəcək.
“Düşünürəm ki, Lavrov Bəşər Əsədə müxalif olan qüvvələrlə görüşmək istəyir. Yəni Rusiya nümayəndəsi Suriyada silahlı qruplaşmaların, terrorçu təşkilatın nümayəndələri ilə görüşməyəcək. Yəqin ki, görüş Rusiyanın ərk edə biləcəyi müxalif nümayəndələri ilə keçiriləcək. Lavrov İŞİD və digər torrorçu təşkilatlarla görüşə bilməz. Əsas şiə nümayəndələri ilə görüşə bilər. Astana görüşünün davamı olaraq Rusiya tərəfindən müəyyən təlimatlar veriləcək, müəyyən tələblər qoyulacaq”, - deyə A.Nağıyev bildirib.
Ziya Səccad
Ölkə.az
