Rompey: "Ukrayna böhranı Avropa üçün ən böyük təhlükədir"

Rompeyin fikrincə, Krım münaqişəsi dönüş nöqtəsi olub.

Ölkə.Az Rosbalt agentliyinə istinadən xəbər verir ki, Avropa Şurasının prezidenti Herman van Rompey Avropa ittifaqının Ukraynadakı böhrana münasibətinin dəyişmədiyini bəyan edib. Onun sözlərinə görə, "soyuq müharibədən" sonra Ukrayna böhranı Avropanın təhlükəsizliyi üçün ciddi təhlükə olub. Rompey qeyd edir ki, Krım ətradında yaşanan münaqişə dönüş nöqtəsi rolunu oynayıb.

"Əlbəttə, Ukraynada buna qədər və sonra mühüm hadisələr baş verib, lakin əsas dönüş nöqtəsi Krım münaqişədi oldu. Siz sərhədlərlə saymazyana davrandıqda, dünya ilə də eyni şəkildə davranmış olursunuz", - deyə, Rompey bildirib.

Rompey Avropa İttifaqının vasitəçiliyi ilə Rusiya və Ukrayna arasında qaz barədə əldə olunan razılığı müsbət hal kimi dəyərləndirib. Bununla yanaşI, Rompey Rusiyanın qondarma Donetsk və Luqansk "xalq respublikalarında" keçirilən seçkiləri tanıması faktını pisləyib. Rompey təsdiq edib ki, mandatının müddəti bitməmiş siyasəti tərk edəcək. Dekabrın 1-də mandatı bitən prezidenti Polşanın sabiq baş aziri Donald Tusk əvəz edəcək.

Rompey əlavə edib ki, gələcəkdə pedoqoji fəaliyyətlə məşğul olaraq kolleclərdən birində xarici dilləri tədris edəcək.

Rəşid Mustafazadə

Ölkə.Az