Poroşenko: "Rus dili dövlət dili olmayacaq"

Poroşenko: "Yalnız ukrayna dili dövlət statusuna malik olacaq"

Ölkə.Az ukrayna mətbuatına istinadən xəbər verir ki, ölkədə ukrayna dilindən başqa heç bir dil dövlət dili statusuna malik olmayacaq. Bu barədə Ukraynanın prezidenti mədəniyyət xadimlərinə Taras Şevçenko adına mükafatın təqdim edilməsi mərasimində çıxış edərkən danışıb.

"Biz ukraynalılar bir çox dillərdə danışırıq, lakin yeganə olaraq ukrayna dili həmişə dövlət dili statusu kimi olacaq. Biz dəqiq bilirik: ukrayna dili yaşayırsa, Ukrayna da yaşayır", - deyə Poroşenko bildirib.

O həmçinin qeyd edib ki, məhz dil və mədəniyyət Ukraynanın müstəqilliyinin qorunması və təhlükələrin dəf olunması yolunda xalqı gecləndirir.

Xatırladaq ki, bir müddət əvvəl parlamentdə çıxışı zamanı Poroşenko bildirmişdi ki, ölkədə yaşayan azsaylı xalqların, o cümlıdən, rusların xüsusi dil statusuna malik olması razılığın əldə olunması üçün düzgün addımdır.

Rəşid Mustafazadə

Ölkə.Az