Türkiyə Niderlanda qarşı yeni sanksiyalar qəbul edəcək

“Ölkə.Az” xəbər verir ki, Türkiyənin gömrük və ticarət məsələləri üzrə naziri Bülənt Tüfenkçi jurnalistlərə açıqlamasında Niderlanda qarşı iqtisadi sanksiyalar da tətbiq ediləcəyini deyib. Onun sözlərinə görə, yaxın günlərdə iqtisadi sanksiyaların da gündəliyə salınacağı istisna edilmir.

Qeyd edək ki, martın 11-də Niderland Türkiyənin XİN rəhbəri Mövlud Çavuşoğlunun təyyarəsinə uçuş icazəsini ləğv edib. Hollandiya hökuməti Türkiyənin xarici işlər naziri Mövlud Çavuşoğlunun təyyarəsinin enişinə icazəni ləğv etdikdən sonra Niderlandın Ankaradakı müvəqqəti işlər müvəkkili Türkiyə Xarici İşlər Nazirliyinə çağırılıb. Diplomata etiraz bəyanatı təqdim edilib. Bundan sonra, Türkiyə xarici işlər naziri Mövlud Çavuşoğlu Niderland hömumətinin ünvanına sərt bəyanatlar verib.

Bundan sonra Türkiyə hökuməti Niderlanda qarşı 4 sanksiya tətbiq edib. Türkiyənin Hollandiyaya tətbiq etdiyi sanksiyalar bunlardır:
1. Məzuniyyətdə olan Hollandiya səfirinin Türkiyənin bildirdiyi məsələlər həll edilməyənə qədər Ankaraya qayıtmağına qadağa qoyulsun;
2. Hollandiya etdiyi hərəkətlərini bərpa edənə qədər yüksək səviyyəli münasibətlər təxirə salınsın;
3. Rəsmi səfərlər üçün Türkiyəyə gələn diplomatların uçuşuna qadağa qoyulsun. Məsələ həll edilənə qədər diplomatik uçuşlara icazə verilməyəcək;
4. Türkiyə Böyük Millət Məclisi ilə Hollandiya parlamenti arasındakı dostluq qrupunun Türkiyə bölümünün ləğv edilməsi Milli Məclisə tövsiyyə edilsin.

Ziya Səccad
Ölkə.Az