İlham Əliyev macarıstanlı həmkarına təbrik məktubu göndərdi
Azərbaycan Prezidenti İlham Əliyev macarıstanlı həmkarı Yanoş Aderə təbrik məktubu göndərib.
Təbrik məktubunda deyilir:
"Hörmətli cənab Prezident,
Macarıstanın Prezidenti vəzifəsinə yenidən seçilməyiniz münasibətilə Sizi ürəkdən təbrik edirəm.
Ümidvaram ki, Azərbaycan ilə Macarıstan arasındakı ənənəvi dostluq və əməkdaşlıq münasibətlərinin, strateji tərəfdaşlığımızın dinamik və hərtərəfli inkişafı yolunda bundan sonra da birgə səylər göstərəcəyik.
Sizə möhkəm cansağlığı, xoşbəxtlik, dost Macarıstan xalqının rifahı naminə fəaliyyətinizdə uğurlar diləyirəm".
