Çexiya Rusiyaya qarşı sanksiyaları dəstəklədi

"Yekun qərar Brüsseldə qəbul edilməlidir"

Ölkə.Az xəbər verir ki, Çexiya Avropa İttifaqının Rusiyaya qarşı sanksiyaları genişləndirməsini dəstəkləyib. Rəsmi Praqa bu məsələ ilə bağlı yekun qərarın hələlik verilmədiyini bildirib. Çexiyanın xarici işlər naziri Lubomir Zaoralek bəyan edib ki, onun ölkəsi Avropa İttifaqının Rusiyaya qarşı yeritdiyi sanksiya siyasətini dəstəkləyir. Nazir dəqiqləşdirərək qeyd edib ki, yekun qərar Brüsseldə qəbul edilməlidir.

"Biz fiziki şəxslərə qarşı sanksiyaları dəstəkləməyə hazırıq. Bu bizim əsas gündəm məsələlərimizdən biridir", - de yə, Zaoralek bildirib.

Xatırladaq ki, Britaniyanın baş naziri Devid Kemeron bir müddət öncə Rusiyaya qarşı sanksiyaların genişləndirilməsinin vacib olduğunu bildirmişdi.

Rəşid Mustafazadə

Ölkə.Az