Buş: "Atam SSRİ-ni dağıtmağa kömək edib"

Buş etiraf edib.

Ölkə.Az "Time News"-a istinadən xəbər verir ki, ABŞ-ın keçmiş prezidenti Corc Buş "Fox News"-a müsahibəsində ölkəsinin SSRİ-nin dağılmasına birbaşa aidiyyatının olduğunu etiraf edib. Buş bildirib ki, onun atası Corc Herbert Uoker Buş o vaxt dünyanın ən qüdrətli dövlətinin başçısı olub.

Atasının SSRİ-nin dağılmasına birbaşa aidiyyatının olub-olmadığını soruşan jurnalistə Buş taktiki cavab verərək bildirib ki, Corc Herbert Uoker Buş imperiyanın dağılmasında mühüm rola malik olub. Ağ Evin keşmiş rəhbərinin sözlərinə görə, SSRİ-nin dağılması bir ideologiyanın diger ideologiya üzərində uğurlu qələbəsi olub.

Qeyd edək ki, Corc Herbert Uoker Buş Amerika Birləşmiş Ştatlarının 41-ci prezidenti (1989-1993) və 43-cü vitse-prezidenti (1981-1989) olub. O, Respublikaçılar partiyasının nümayəndəsi olmuşdu..

Rəşid Mustafazadə

Ölkə.Az