Əli Həsənov: “Azərbaycan inkuliziv cəmiyyətlərin inkişafına daim dəstək verir”

“Ölkə.Az”-ın məlumatına görə, bunu Azərbaycan Prezidentinin İctimai-siyasi məsələlər üzrə köməkçisi, Prezident Administrasiyasının İctimai-siyasi məsələlər şöbəsinin müdiri Əli Həsənov IV Ümümdünya Mədəniyyətlərarası Dialoq Forumu çərçivəsində keçirilən “Qütbləşmə dövründə inkuliziv dialoq” adlı panel iclasında çıxışı zamanı bildirib. 

Ə.Həsənov təəssüflə deyib ki, indi dünyada dini, irqi və milli dözümsüzlük, dağıdıcı separatizm kimi hallar insanları kütləvi şəkildə qaçqın və miqrant həyatı yaşamağa məcbur edir:

“Bu sahədə mövcud olan problemlərin çətinliyini və ağrı-acısını Ermənistanın etnik təmizləmə və işğalçılıq siyasəti nəticəsində bir milyondan çox qaçqın və məcburi köçkünü olmuş Azərbaycan daha yaxından anlayır və hiss edir. Ona görə də bu qəbildən olan insanların öz doğma torpaqlarına qayıtmasının təmin edilməsi inkuliziv dialoqun tərkib hissələrindən biri kimi irəli sürülməlidir. Bu gün Azərbaycanda fəaliyyət göstərən müsəlman və qeyri-islam dini icmalarının milli-mənəvi dəyərələrinin təbliği və dini maariflənməsinə, işlərini yüksək səviyyədə aparmaları üçün dövlət tərəfindən onlara maliyyə yardımları göstərilir”. 

Prezidentin köməkçisi xatırladıb ki, inkuliziv cəmiyyətlərin inkişafından və multikultral dəyərlərin elmi-nəzəri baxımdan təhlil edilməsi zərurətindən irəli gələrək, Azərbaycan Prezidenti İlham Əliyevin fərmanı ilə 2016-cı ildə Bakı beynəlxalq multikultralizm mərkəzi təsis edilib: “Dini ekstermizmə qarşı mübarizənin hüquqi, təşkilatı əsaslarının müəyyən edilməsi, bununla bağlı olaraq dövlət orqanlarının, vətəndaşların hüquq və vəzifələrinin təsbit edilməsi məqsədilə Azərbaycan Prezidenti 2015-ci ildə “Dini eksterimizmə qarşı mübarizə haqqında” qanunu təsdiq edib. Dövlət başçısının sərəncamları ilə 2016-cı ildə Azərbaycanda “Multikultralizm ili”, 2017-ci ildə isə “İslam həmrəyliyi ili” elan edilib. Bütün bunlar inkuliziv dialoqun inkişafı, dünyada mövcud olan multikultral modellərin araşdırılaraq öyrənilməsi baxımından vacib əhəmiyyət daşıyır”. 

Ə.Həsənov qeyd edib ki, inkuliziv dialoqun təşviq edilməsində Heydər Əliyev Fondunun göstərdiyi fəaliyyəti xüsusi qeyd etmək yerinə düşər: 
“Ötən illər ərzində Fond tərəfindən tarixi abidələrin təmir edilməsi və yeni mədəniyyət ocaqlarının yaradılması məqsədilə çoxsaylı layihələr həyata keçirilib. Layihələr çərçivəsində Fransa, Vatikan, İtaliya, Bolqarıstan kimi dövlətlərdə qədim dini-mədəni abidələr təmir və bərpa olunub. Heydər Əliyev Fondunun xətti ilə Azərbaycanda müxtəlif dinlərə sitayiş edən insanların getdikləri ziyarətgahlarda təmir-bərpa işləri aparılıb və etnik qrupların nümayəndələri üçün təhsil, mədəniyyət mərkəzləri yaradılıb. Azərbaycan dini-etnik müxtəlifliyə, inkuliziv cəmiyyətlərin inkişafına daim dəstək verir. Paytaxt Bakının beynəlxalq mədəniyyətlərarası dialoq forumlarının keçirilməsinə ev sahibliyi etməsi bunun əyani sübutudur”. 

Zaur Əziz
Ölkə.Az