Ukrayna Çexiya prezidentini tənqid etdi

Ukrayna və Çexiya arasında qalmaqal yaşanıb.

Ölkə.Az Цензор.НЕТ‎ saytına istinadən xəbər verir ki, Çexiyanın Kiyevdəki səfiri Çexiya prezidentinin səsləndirdiyi fikirlərə görə Ukrayna Xarici İşlər Nazirliyinə çağırılıb

Ukrayna Xarici İşlər Nazirliyi Çexiya Prezidenti Miloş Zemanın Ukrayna ilə bağlı səsləndirdiyi fikirlərə görə, səfir İvan Poçuxaya narazılıqlarını və Ukraynanın məsələ ilə bağlı mövqeyini çatdırıb.

Xatırladaq ki, bir müddət öncə Çexiya Prezidenti Miloş Zeman Ukraynaya edilən iqtisadi yardımı mənasız hesab edərək bu ölkədə əsl vətəndaş müharibəsinin baş verdiyini iddia etmişdi. Çexiya Prezidenti Osventsim düşərgəsinin almanlardan azad edilməsi münasibətilə təşkil edilən 70 illik yubiley tədbirini Rusiya Prezidenti Vladimir Putini də dəvət edib.

Rəşid Mustafazadə

Ölkə.Az