Obamanın ən böyük səhvi

Vaşinqtonda siyasi mədəniyyəti dəyişə bilməməyi cəmiyyətin qütbləşməsi ilə nəticələnib.

Ölkə.Az "RİA Novosti"-yə istinadən xəbər verir ki, siyasi şərhçi Robert U. Merri ABŞ prezidenti Barak Obamanı seçkiöncəsi verdiyi vədləri yerinə yetirməməkdə ittiham edib. Ekspertin fikrincə, hazırki prezidentin Vaşinqtonda siyasi mədəniyyəti dəyişə bilməməyi cəmiyyətin qütbləşməsi ilə nəticələnib.

Robert Merri dərgisi üçün hazırladığı məqaləsində qeyd edir ki, Obama Vaşinqtonda demokratlar və respublikaçılar arasında münasibətlərin gərgin olduğu vaxtda hakimiyyətə gələrək vəziyyəti kökündən dəyişəcəyini vəd etsə də, hər şey olduğu kimi qalıb. Şərhçi hesab edir ki, Vaşinqtonda ABŞ-ın milli siyasəti daxilində güclənən düşmənçiliyin arxasında dayananların kimliyi ilə bağlı mübahisələr davam edir. Məqalədə Obamanın amerikan cəmiyyətindən aldığı dəstəyin yalnız gözəl nitq qabiliyyəti və yüksək istəklər sayəsində qazana bildiyi vurğulanır. Lakin, Merri bildirir ki, bütün bunlara baxmayaraq, Obamanın seçkiöncəsi vədlərini icra etməməsi çoxsaylı narazılıqların yaranmasına səbəb olub.

"ABŞ-da siyasi düşmənçilik günü-gündən güclənir, çünki hadisələr artıq köhnəlmiş siyasi nümunələr çərçivəsindən çıxıb və buna rəğmən siyasətçilər özünü doğrultmayan və köhnəlmiş fikirlərdən yapışırlar. Obama yeni paradiqmaların (nümunə, model) yaradılması və yeni siyasi eranın başladılması əvəzinə gəlirlərin yenidən bölüşdürülməsi, sinfi münaqişə və hökumət ekspansiyası kimi ötən dövrlərin siyasi anlayışlarında dayaq axatarmağa davam edir", - deyə, The National Interest dərgisindəki məqalədə qeyd olunub.

Xatırladaq ki, bu gün ABŞ prezidenti Barak Obamanın immiqrasiya islahatı həyata keçirib. Bu addım respublikaçıların narazılığına səbəb olub. Obamanın Konqresin icazəsi olmadan aldığı bu qərarlarla səlahiyyətlərini aşdığı iddia edilib.

Rəşid Mustafazadə

Ölkə.Az