Putin Abxaziyaya yardımı artıracaq

"Rusiya Abxaziyaya yardımı ikiqat artıracaq"

Ölkə.Az xəbər verir ki, Rusiya Federasiyasının prezidenti Vladimir Putin Abxaziyaya yardımın ikiqat artırılacağını bildirib.

"Ötən il və hətta bu illə müqayisədə yardımın ikiqat artırılması planlaşdırılır", - deyə, Vladimir Putin Abxaziyanın prezidenti ilə görüşdə bildirib.

Putin qeyd edib ki, Rusiya-Abxaziya münasibətləri uğurla inkişaf edir və normativ-hüquqi baza yaradılıb.

"Bununla yanaşı, bizim ekspertlər, parlament üzvləri qərara gəliblər ki, əsas məqsədimiz kimi insanların yaşayışını yaxşılaşdırmaq, Abxaziyanın təhlükəsizliyini təmin etmək və ən yüksək səviyyədə iqtisadi əlaqələrin inkişaf etdirilməsi üçün əlavə aktlar qəbul olunmalıdır", -deyə, Putin qeyd edib.

O, bugünkü görüşün ikitərəfli münasibətlərin kompleksli inkişafına təkan verəcəyinə əminliyini ifadə edib.

Rəşid Mustafazadə

Ölkə.Az