Rompey Ukrayna böhranından danışdı

Ukrayna böhranı "soyuq müharibənin" bitməsi dövründən bəri Avropada ciddi geosiyasi böhranın yaranmasına səbəb ola bilər.

Ölkə.Az İnterfaksa istinadən xəbər verir ki, Avropa Şurasının sədri Herman van Rompey bəyan edib ki, Ukrayna böhranı "soyuq müharibənin" bitməsindən sonra Avropada ciddi geosiyasi böhranın yaranmasına səbəb ola bilər.

"Ən pisi budur ki, vəziyyət Balkanlarda müharibələr dövründən bəri qitədə ölümcül münaqişəyə doğru gedir. Sərhədləri pozanlar - sülhü pozurlar", - deyə, Siyasi tədqiqatlar institutunda çıxış edərkən Rompey qeyd edib.

Onun sözlərinə görə, müxtəlif fikir ayrılıqlarına baxmayaraq, Avropa ölkələri Ukraynaya dəstək olaraq Rusiyaya qarşı vahid cəhbə formasına çıxış edə biliblər.

Rəşid Mustafazadə

Ölkə.Az