Merkel: "Rusiyaya qarşı yeni sanksiyaların tətbiqi qaçılmazdır"

"Bu addımı qaçılmaz edən isə bütün dünya üçün təhlükə olan, Rusiyanın Ukraynaya qarşı apardığı siyasətdir"

Ölkə.Az "Deutsche Welle"-a istinad edərək xəbər verir ki, Almaniyanın kansleri Angela Merkel bundestaqda çıxışı zamanı Rusiyay qarşı yeni sanksiyaların tətbiq olunmasının qaçılmaz olduğunu bəyan edib.

Almaniyanın liderinin sözlərinə görə, bu addımı qaçılmaz edən isə bütün dünya üçün təhlükə olan, Rusiyanın Ukraynaya qarşı apardığı siyasətdir.

"Biz bu böhranın diplomatik yolla nizamlanması üçün yorulmadan çalışırıq. Lakin, təəssüf ki, bu proses zamanı. Ukraynanın ərazi bütövlüyünün pozulması davam edir", - deyə, Merkel əlavə edib.

Merkel bildirib ki, dəfələrlə Putinlə danışıqlar apararaq və Ukraynanın Avropa İttifaqı ilə assosiasiyanın yaradılması barədə müqavilənin imzalanmasının Rusiya üçün hansı mənfi nəticələrə səbəb olacağını nəzərinə çatdırsa da, Putin başqa yolu seçərək Avropaya seçim qoymayıb.

"Krımın anneksiyasını heç nə əsaslandıra bilməz. Rusiyanın davranışları büynəlxalq hüquq qaydalarını pozur və Avropada sülhü sual altında qoyur", - deyə, kansler qeyd edib.

Rəşid Mustafazadə

Ölkə.Az