Tahir Kərimli: “Rayonlara ayrılan dotasiya kifayət etmir”
“Qanun layihəsinə səs verəcəm. Komitə iclasında ümid edirdik ki, büdcəyə müəyyən dəyişikliklər ediləcək. Büdcə müzakirə ediləndə büdcə kəsiri ilə bağlı fikrimizi qeyd etmişdik. Bu gün Ziya Səmədzadə də büdcə kəsiri haqda danışdı. Hesablama Palatasının rəyindən görünür ki, 3 halda büdcəyə baxmaq olar”.
“Ölkə.Az”-ın məlumatına görə, bunu Milli Məclisdə çıxışı zamanı Tahir Kərimli deyib.
Deputat maliyyə nazirinə sual edib ki, büdcə qalığı hesabına kəsirin silinməsi mümkün deyildimi: “Optimal büdcə kəsirinə getmək lazımdır. Biz bununla bağlı dünya təcrübəsindən misallar gətirdik. Mən bu məqama xüsusi diqqət etməyin tərəfdarıyam. Bu işlərə həssas yanaşılmalıdır”.
Rayonların dotasiyası ilə bağlı danışan Tahir Kərimli deyib ki, bununla bağlı narahatlığı var: “Mənim təmsil etdiyim Ağsu rayonuna 3 milyon dotasiya ayrılıb. Dotasiyalar rayonlar üçün kifayət etmir. Bəzən mexaniki olaraq cərimələr edilir ki, büdcə dolsun. Ancaq bu da narahatlıq yaradır”.
Vasif Həsənli
Ölkə. Az
