Rəşad Mahmudov: “İnsanların sağlamlıq üçün Avropa ölkələri haqda düşünməsi bizi narahat edir”
“Ölkə.Az”-ın xəbərinə görə, bunu Milli Məclisdə çıxışı zamanı deputat Rəşad Mahmudov bildirib.
Deputat deyib ki, Ümumdünya Səhiyyə Təşkiları dünya səhiyyə sistenmini araşdırdıqdan sonra qərara gəlib ki, büdcəsi ümumdaxili məhsulun 5 faizindən aşağı olan ölkələrdə keyfiyyətli səhiyyə xuidmətindən söhbət gedə bilməz.
Deputat bildirib ki, postsovet ölkələrində bu problem davam edir: “Ümumdünya Səhiyyə Təşkilatının bu tövsiyyələrinə tam əməl edilmir. Sirr deyil ki, bu gün postsovet ölkələrində insanlar sağlamlıqları üçün daha çox Avropa ölkələri haqqında düşünürlər və bu bizim hamımızı narahat edir. Mən iqtisadi blokdan xahiş edərdim ki, gələcəkdə səhiyyənin büdcəsi ümumdaxili məhsulun 5 faizi həcmində formalaşdırılsın ki, prezidentin qarşıya qoyduğu məqsəd və hədəflərə çata bilək”.
Vasif Həsənli
Ölkə.Az
