Azərbaycan və Ermənistanın xarici işlər nazirlərinin görüş vaxtı və yeri bəlli oldu
Azərbaycan və Ermənistanın XİN rəhbərlərinin görüşü 11 iyulda baş tutacaq.
"Ölkə.Az" xəbər verir ki, Elmar Məmmədyarov və Edvard Nalbandyan arasında görüş Avstriyanın Mauerbax şəhərində baş tutacaq.
Bu barədə "RİA Novosti" agentliyinə diplomatik mənbələrdən xəbər daxil olub.
Bir müddət əvvəl Ermənistanın xarici işlər naziri Edvard Nalbandyan Azərbaycan XİN rəhbəri ilə görüşün istisna olmadığını bildirmişdi.
Nalbandyan görüşün iyul ayında baş tutacağını bildirmişdi. Azərbaycan xarici işlər nazirliyi isə görüşə hazır olduğunu və substantiv danışıqlara ümid etdiyini bəyan edib.
Qeyd edək ki, görüşdə Dağlıq Qarabağ konfliktinin nizamlanmasında iştirak edən vasitəçilərin də iştirakı gözlənilir.
Hikmət
Ölkə.Az
