Serbiya spikeri Azərbaycana gələcək

Serbiya Milli Assambleyasının (parlament) sədri Maya Qoykoviç Bakıda Azərbaycan və Serbiya arasında parlamentlərarası əməkdaşlığın perspektivlərini müzakirə edəcək.

Bunu diplomatik mənbə deyib.

Onun sözlərinə görə, səfər yaxın vaxtlarda baş tutacaq. Diplomatik kanallar vasitəsilə səfərin dəqiq tarixi dəqiqləşdirilir. Spiker səfər zamanı Milli Məclis və hökumətdə görüşlər keçirəcək.

Mənbə qeyd edib ki, görüşlər zamanı iki ölkənin siyasi, iqtisadi və humanitar sahələrdə əməkdaşlığının inkişafına dair məsələlər müzakirə olunacaq.(Trend)

Ölkə.Az