Politoloq "Avrasiya forumu"nu qeyri-ciddi adlandırdı

Dünən Kazanda keçirilən "Avrasiya forumu"nun yekun toplantısında qalmaqal baş verib.

Xəbər verdiyimiz kimi Rusiyanın Kazan şəhərində keçirilən "Avrasiya inteqrasiyası: nailiyyətlər və problemlər" adlı ikinci ictimai forumda Avrasiya ittifaqı haqqında yeni postsovet iqtisasi ittifaqının xəritəsinin yer aldığı videoçarx nümayiş olunub. Sözügedən xəritədə Rusiya ilə qonşu olan dövlətlər, o cümlədən, Azərbaycan da yer alıb. Lakin Ermənistan istisna olmaqla, ittifaqa daxil olan dövlətlərin Azərbaycan ərazisi kimi tanıdığı Dağlıq Qarabağ nə Ermənistanın, nə də Azərbaycanın ərazisi kimi göstərilib.

Baş verən hadisə barədə politoloq Zərdüşt Əlizadə və Vəfa Quluzadə Ölkə.az-a danışıblar.

Zərdüşt Əlizadə: "Baş verən hadisə beynəlxalq hüquqa ziddir. Mən Aydın müəllimin etirazına tam olaraq haqq qazandırıram. Çünki beynəlxalq hüququn pozulmasına etiraz bildirib. Bu cür hadisə baş verdiyində ona ciddi etiraz bildirilməlidir. İşğalçılara baş verən vəziyyətlərdən istifadə etməyə imkan vermək olmaz. Hansı ki, indi İşğalçılar bütün vəziyyətlərdən etməyə can atırlar".

Vəfa Quluzadə: Mən hesab edirəm ki, bu cür qeyri-ciddi forumlar barədə danışmağa dəyməz".

Qeyd edək ki, yeni siyasi xəritə Azərbaycan nümayəndə heyətinin təmsilçilərinin etirazına səbəb olub. "Vahid Rusiya" partiyasının xətti ilə tədbirdə iştirak edən deputat Aydın Mirzəzadə çıxışında İttifaqa daxil olan dövlətlərin vətəndaşlarının 2015-ci ilin yanvarından sonra Azərbaycan hökumətinin icazəsi olmadan Dağlıq Qarabağ və digər işğal olunmuş ərazilərə səfər edəcəyi barədə narahatlığını ifadə edib.

Fatimə İbrahimova
Ölkə.az