İlham Əliyev helikopterin vurulmasından danışdı

Prezident İlham Əliyev qoşunların təmas xəttində Ermənistan ordusunun törətdiyi təxribatlara münasibət bildirib.

Prezident Rusiyanın “Rossiya-24” telekanalı müsahibəsində deyib ki, Paris görüşündən sonra Ermənistan ordusunun 47 minlik təlimləri təxibat idi. Amma bununla belə prezident onu da qeyd edib ki, münaqişənin həlli ilə bağlı vasitəçilər fəallaşıb.

"Münaqişənin nizamlanması ilə bağlı danışqlar prosesində mövzulardan biri də inam mühitinin möhkəmləndirilməsinə aid idi. Hansı ki, qoşunların təmas xəttində itkilər azalsın və tərəflər bir-birinə daha çox inansınlar. Həm Azərbaycan, həm də Ermənistan tərəfi Parisdə keçirilən görüşü müsbət qiymətləndirdilər. Düz iki həftə sonra isə Ermənistan Azərbaycanın işğal altında olan ərazilərində hərbi təlimlər keçirməyə başladı. Hansı ki, bu təlimləri Ermənistanda deyil deyə hətta Dağlıq Qarabağ muxtar vilayəti ərazisində də deyil, məhz Azərbaycanın Ağdam rayonunun ərazisində, qoşunların təmas xəttində keçirdilər. Həmin təlimlərdə 47 mindən artıq hərbçi və 1000-dən çox hərbi texnika iştirak edib. Soruşuram: Parisdə keçirilən müsbət görüşlərdən sonra təxribat törətmək nəyə lazım idi?”, -deyə İlham Əliyev qeyd edib. (ANS TV)

Ölkə.Az