Millət vəkillərinin tətili başa çatdı
Azərbaycan parlamentinin millət vəkilləri 15 iyul tarixində tətilə çıxmışdılar.
"Ölkə.Az" xəbər verir ki, parlamentarilərin istirahəti bu gün başa çatıb. Ümumilikdə millət vəkilləri 45 gün istirahət ediblər. İstirahət üçün isə onlara dövlət büdcəsindən məzuniyyət pulu ayrılıb. “Azərbaycan Respublikası Milli Məclisi deputatının statusu haqqında” qanununa uyğun olaraq deputatlara məzuniyyətdə olduqları zaman müalicə olunmaları və istirahət etmələri üçün iki aylıq vəzifə maaşı məbləğində müavinət ödənilib.
Bu qanuna uyğun olaraq Milli Məclisin sədrinə 4.500, komitə sədrlərinə 3.600, Parlament sədrinin müavininə 3.825, Spikerin birinci müavininə 4050, millət vəkillərinə isə istirahət üçün 3.150 AZN pul ayrılıb.
Qeyd edək ki, Milli Məclisin komitə iclasları 15 sentyabr tarixində başlayacaq.
Hikmət Həsənov
Ölkə.Az
