ABŞ-ın Azərbaycandakı yeni səfiri təsdiqləndi
Cekuta əvvəllər diplomat kimi Tokyoda və Berlində xidmət edib.
Vaşinqtonda, Senatın Xarici Əlaqələr Komitəsində ABŞ-ın Azərbaycana səfir təyinatı ilə bağlı dinləmə keçirilib. Prezident Barak Obamanın nominasiya etdiyi Robert Cekuta komitə səsverməsində təsdiq olunub.
Ölkə.Az xəbər verir ki, bu barədə Amerikanın Səsi radiosu məlumat yayıb.
Səfirin Bakiya nə vaxt gələcəyi hələ ki, açıqlanmır.
Cekuta Dövlət Katibinin Enerji Resursları üzrə Bürosunda çalışır. O, büronun şəffaflıq və enerjiyə çıxışı ilə bağlı işlərinə nəzarət edir.
Robert Cekuta diplomat kimi Tokyoda və Berlində xidmət edib.
Robert Cekuta Corctaun Universitetinin məzunudur. O, Thunderbird Qlobal Menecment Məktəbindən və Milli Müharibə Kollecindən magistr dərəcələri alıb.
Ölkə.Az
