Avronest Parlament Assambleyasının Bakıda konfransı keçiriləcək
Sentyabrın 22-də Bakıda Avronest Parlament Assambleyası (PA) çərçivəsində “Azərbaycan Respublikasında 3 və 5-ci Dayanıqlı İnkişaf Məqsədləri çərçivəsində Şərq Tərəfdaşlığı Ölkələrində qadınların sağlamlığı və gender bərabərliyinin təşviqində parlamentlərin rolu” mövzusunda konfrans keçiriləcək.
“Ölkə.Az”-ın məlumatına görə, tədbir Milli Məclisin Avronest PA-da nümayəndə heyətinin təşəbbüsü ilə təşkil olunacaq.
Tədbir Azərbaycan Milli Məclisi, Avronest PA-nın Sosial Məsələlər, Təhsil, Mədəniyyət və Vətəndaş Cəmiyyəti üzrə Komitəsi, BMT-nin Bakı Ofisi və Əhali və İnkişaf üzrə Avropanın Parlament Forumunun birgə təşkilatçılığı ilə baş tutacaq.
Tədbirdə Avropa Parlamentinin və Avronest PA-nın üzv ölkələrinin deputatları, BMT-nin nümayəndələri, Əhali və İnkişaf üzrə Avropanın Parlament Forumunun Parlamentlərarası İttifaqın təmsilçiləri və beynəlxalq ekspertlər iştirak edəcək.
Vasif Həsənli
Ölkə.Az