Türkiyənin Arakan müsəlmanlarına yardımının tarixi səbəbi

Arakan müsəlmanlarına Türkiyənin yardımı bir çox beyində sual işarəsinə səbəb olub.

"Ölkə.Az" xəbər verir ki, Qurtuluş Savaşında mübarizə üçün 35 min qızıl pul göndərən arakanlı müsəlmanlar 2-ci Balkan müharibəsində də Osmanlıya yardım ediblər.

Osmanlı arxivindən əldə edilən sənədə əsasən Arakan müsəlmanları 2-ci Balkan müharibəsində Osmanlı dövlətinə dəstək üçün səfərbər olaraq yaralılar və şəhid yaxınları üçün 1.391 ingilis lirəsini İstanbula göndəriblər. Myanmardakı müsəlmanlar 104 il əvvəl Osmanlı dövlətinə yardım üçün pul toplayıblar.

Rangon Osmanlı Yardım Dərnəyinin sədri Əhməd Mevla Davut Əfəndi 1913-cü ilin 28 iyul tarixində Osmanlı hökumətinə məktub yazaraq yaralılar və şəhid yaxınları üçün Sədrəzəmə 1.291 ingilis lirəsi, 15 şillinq və 11 pens göndərdiyini bildirir.

Edirne və digər torpaqların geri alınması səbəbi ilə baş nazir və nazirlər kabinetini, türk dindaşlarını təbrik edən Davut Əfəndi yazıb: "Türk qardaşlarımızın itirdikləri torpaqların bir qismini geri alaraq əldə etdikləri uğur səbəbi ilə Ranqon ətrafındakı müsəlmanların məmnuniyyət və sevinc içində olduqlarını cəsarətlə Sədrəzəmə ərz edirəm. Məscidlərdə hər gün yeni qələbələr üçün dualar edilir".