Balakəndə beş uşaq anası amansızlıqla öldürülüb

Balakəndə 52 yaşlı qadın əri tərəfindən döyülərək qətlə yetirilib.xa0

Ölkə.Azxa0xəbər verir ki, hüquq-mühafizə orqanındanxa0APA-ya verilən məlumatına görə, hadisə rayonun Poçtbinə kəndində qeydə alınıb.xa0

Kənd sakini, 1964-cü il təvəllüdlü, Kainat Zeynəddin qızı Çobanovanın üzərində döyülməyə xarakterik xəsarətləri olan meyiti Balakən Rayon Mərkəzi Xəstəxanasının morquna daxil olub.xa0

Balakən rayon Polis Şöbəsi və rayon prokurorluğunun əməkdaşlarının birgə həyata keçirdikləri əməliyyat-axtarış tədbirləri nəticəsində Kainat Çobanovanın əri, 1970-ci il təvəllüdlü Zeynal Ramazan oğlu Çobanov tərəfindən döyülərək öldürülməsi müəyyən edilib. Zeynal Çobanov ifadəsində həyat yoldaşını sərxoş vəziyyətdə döydüyünü etiraf edib.xa0

Həyata keçirilən tədbirlər nəticəsində Zeynal Çobanov şübhəli şəxs qismində saxlanılıb.

Qeyd edək ki, onların 5 övladı var.

Faktla bağlı Balakən rayon prokurorluğunda CM-nin müvafiq maddəsi ilə cinayət işi başlayıb, istintaq tədbirləri davam etdirilir. xa0