Kadırov Çeçenistanda çoxarvadlılığa icazə verilməsinin tərəfdarıdır

Çeçenistan rəhbəri Ramzan Kadırov bəyan edib ki, Şimali Qafqaz regionları – Çeçenistan, Dağıstan və İnquşetiyada çoxarvadlılığa icazə verilməlidir.

O, bu barədə İnterfaks-a verdiyi müsahibəsində bildirib.

“Biz Rusiya Federasiyasının qanununu pozmuruq. VVAQ-da (Vətəndaş vəziyyəti haqqında aktı qeydiyyatı) yalnız bir nikah qeyd edilir. Rusiyada 25 milyon müsəlman yaşayır, Dağıstan, Çeçen Respublikası, İnquşetiya kimi regionlar üçün çoxarvadlılığa icazə verilməlidir. Bizi buna görə vəhşi hesab edənlər isə özləri bu qəbildən olan məxluqlardır, çünki bu normaldı, qadına qarşı dürüst və düzgün münasibət”, - Kadırov bildirib.

O qeyd edib ki, çoxarvadlılığa islam izn verir. Bu, məcburi deyil, amma əgər kişinin fiziki, maddi imkanı buna izn verirsə belə imkan var.

”Çoxarvadlılıq insanın məşuqəsi olmaması üçündür, məhz bu məşuqələr sayəsində kişinin həm sağlığı ilə problemləri yaranır, həm ailəsində söz-söhbət olur, yalan içində yaşamalı olur, arvadını və uşaqlarını daim aldadır. Onlardan dürüstlük tələb edir, özü isə daim yalan içində yaşayır”, - Kadırov deyib.

Çeçenistan rəhbəri ehtimal edir ki, əgər insanın “kənarda kimisə varsa qoy bu təmiz məhəbbət olsun”, bu isə qadına ümumi razılıq əsasında ikinci qadın olmaq imkanı verir.

“Çoxları bunu qorxunc hesab edir. Mən isə deyirəm ki, mənə bir neçə məşuqəsi olmayan kişi göstərin. Beləsi yoxdur. Onlar hamısı öz arvadına yalan deyir. Mən isə öz arvadıma heç vaxt yalan deyə bilməzdim. Ona görə də çoxarvadlılıq yaxşıdır, bir neçə məşuqənin olması isə pis. Əgər mən çoxarvadlılığa qarşı çıxsam mən müsəlman deyiləm, - Kadırov deyib. – Mən bir kişinin ehtiyacı varsa və onları təmin edə biləcəksə, bir neçə arvadının olmasına və Rusiyada demoqrafik problemi həll etməsinə tərəfdaram”.oxu.az

Ölkə.Az