Vüqar Həşimovun xatirəsinə həsr olunan turnir başladı

Bu gün görkəmli şahmatçımız Vüqar Həşimovun xatirəsinə həsr olunan 12 yaşadək uşaqlar arasında beynəlxalq turnirə start verilib. 

Ölkə.Az-ın qafqazinfo-ya istinadən məlumatına görə, beynəlxalq turnirdə Rusiya, Fransa, Gürcüstan, Türkiyə, İran və digər ölkədən iştirakçılar var. 

100-dən çox yeniyetmənin iştirak etdiyi Vüqar Həşimov Memorialı 9 turdan ibarət olacaq. Qaliblər Batumidə keçiriləcək 12 yaşadək şahmatçıların şəxsi Avropa çempionatında iştirak etmək imkanı qazanacaq. Qalib şahmatçı eyni zamanda Vüqar Həşimov Kubokuna sahib çıxacaq. Gümüş medalçı isə Baku Open turnirinə dəvət alacaq. Bürünc mükafatçı Naxçıvan Opendə iştirak edəcək.

Qeyd edək ki, yaşasaydı bu gün Vüqar Həşimovun 28 yaşı tamam olacaqdı.

Ölkə.Az