Azərbaycanda 17 yaşlı qız 37 yaşlı kişi ilə nişanlandı - AÇIQLAMA - VİDEO
Azərbaycanda 15 yaşlı qızın 37 yaşlı kişi ilə nişanlandığı deyilir.
Ölkə.Az xəbər verir ki, bu barədə sosial şəbəkələrdə görüntülər yayılıb.
Qeyd olunur ki, hadisə Xaçmazın kəndlərindən birində baş verib.
Bəzi səhifələrdə isə yeniyetmənin zorla ərə verildiyi iddia olunub.
DİN-in Mətbuat Xidmətinin Quba regional qrupunun baş inspektoru, polis baş leytenantı Xəyal Talıbov Ölkə.Az-ın sorğusuna cavab olaraq bildirilib ki, qızın 17 yaşı var və toy baş tutmayıb:
"Sosial şəbəkədə Xaçmaz rayon sakini, azyaşlı qızın zorla ərə verilməsi barədə məlumat yerləşdirilib.
Xaçmaz Rayon Polis Şöbəsində aparılan araşdırmalar zamanı müəyyən edilib ki, 2007-ci il təvəllüdlü M.S 1987-ci il təvəllüdlü, rayonun Qaraqurtlu kənd sakini T. F ilə könüllü razılaşma yolu ilə nişanlanıb. Ailə həyatı qurmayıblar.
Faktla bağlı hazırda Xaçmaz RPŞ-də zəruri araşdırmalar aparılır" - məlumatda deyilir.
Billurə Yunus
