17 yaşlı qızın 37 yaşlı kişi ilə nişanlanması barədə daha bir AÇIQLAMA
Ailə, Qadın və Uşaq Problemləri üzrə Dövlət Komitəsi Xaçmazda 17 yaşlı qızın 37 yaşlı kişi ilə nişanlanmasına münasibət bildirib.
Qurumdan Ölkə.Az-ın sorğusuna cavab olaraq bildirilib ki, ötən gün komitəyə 2007-ci il təvəllüdlü yetkinlik yaşına çatmayan üçün nişan mərasiminin təşkil edilməsi öz əksini tapıb:
"Məsələ dərhal nəzarətə götürülmüş, Xaçmaz Rayon İcra Hakimiyyəti yanında Yetkinlik yaşına çatmayanların işləri və hüquqlarının müdafiəsi üzrə komissiyaya rəsmi məktubla müraciət edilmiş, işçi qaydada danışıqlar aparılmışdır. Yetkinlik yaşına çatmayanın hüquqlarının müdafiəsi məqsədilə hər iki ailə ilə məsələ ətrafında profilkatik söhbətlər aparılmış, erkən nikahın yaradacağı fəsadlar və hüquqi məsuliyyəti barədə hər iki ailə məlumatlandırılmışdır. Eyni zamanda məsələ hüquq mühafizə orqanları tərəfindən nəzarətə götürülmüşdür" - məlumatda deyilir.
Billurə Yunus
