Talibandan rəsmi açıqlama: “Əl kəsməyi tətbiq edəcəyik”

Belə bir açıqlama ilə Talibanın qurucularından olan və ABŞ-ın işğalından əvvəl sonuncu Taliban rəhbərliyində İslam qanunlarının tətbiqindən məsul olan Molla Nurəddin Turabi çıxış edib.

“Ölkə.Az” xəbər verir ki, Turabı “Associated Press”ə (AP) müsahibəsində “heç kim bizə hansı qanunların lazım olub-olmamasını deyə bilməz. Biz İslam qaydalarına uyğun hərəkət edəcəyik və qanunlarımızı Qurana görə müəyyən edəcəyik”, - deyə, qeyd edib.

Cəzalar müəyyənləşdiriləcəyi zaman əl kəsmək kimi cəzalar da yenidən bərpa olunacağını deyən Turabi əlavə edib ki, ancaq bu dəfə məhkəmələrdə işlər daha diqqətlə araşdırılacaq və yekun qərar verəcək.

Turabi onu da deyib ki, Taliban hakimiyyətinin birinci dövründən fərqli olaraq bu cəzalar stadionlarda keçirilməyəcək. Molla Turabi ictimaiyyətin televiziya və telefon kimi kütləvi informasiya vasitələrindən istifadə etməsinin qadağan edilməyəcəyini də ifadə edərək insanların musiqi dinləyə və video çəkə biləcəyini bildirib.

Mürtəza
Ölkə.Az