Lavrov: Moskva sərt addımlar atacaq

Qərb təhlükəsizlik tələblərinə məhəl qoymasa, o zaman Rusiya hərəkətə keçib konkret addım atacaq.

“Ölkə.Az” “ria.ru”ya istinadən xəbər verir ki, bunu Rusiya xarici işlər naziri Sergey Lavrov Dövlət Dumasında çıxışı zamanı deyib.

“Əgər konstruktiv cavab olmasa və Qərb aqressiv kursunu davam etdirərsə, o zaman Moskva, prezidentin dəfələrlə bəyan etdiyi kimi, lazımi cavab tədbirləri görəcək”, - Lavrov qeyd edib.

O xatırladıb ki, Rusiya bu həftə təqdim olunan layihələrə cavab alacağını gözləyir.

Lavrov həmçinin bildirib ki, Moskva onu Ukraynadakı münaqişənin tərəfi kimi göstərmək cəhdlərinə qarşı sərt addımlar atacaq.

Mürtəza
Ölkə.Az