General ABŞ-Çin müharibəsinin başlayacağı vaxtı açıqladı
ABŞ Hərbi Hava Qüvvələrinin generalı Mayk Minihan tabeliyində olanlara məktub göndərərək onları Çinlə müharibəyə hazırlaşmağa çağırıb. "Ölkə.az" xəbər verir ki, Hava-desant komandanlığının komandirinə görə, müharibə artıq 2025-ci ildə başlaya bilər.
ABŞ Müdafiə Nazirliyi məlumatı təsdiqləyib, lakin qeyd edib ki, oradakı məlumatlar general Minihanın şəxsi fikridir və qurumun Çinlə bağlı mövqeyini əks etdirmir.
Minihan onu da qeyd edib ki, 2024-cü il prezident seçkiləri ABŞ-də keçiriləcəyindən Vaşinqton kənara çəkilmək məcburiyyətində qalacaq və o zaman Çin lideri Si Cinpin Tayvana qarşı təcavüz imkanı əldə edəcək.
