Kəşfiyyatdan xəbərdarlıq: “Rusiya yaxın saatlarda təxribat törədəcək”

Yaxın saatlarda Rusiya qoşunları müvəqqəti işğal altında olan Zaporoje atom elektrik stansiyasında (AES) irimiqyaslı təxribat törədəcək və bunun ətrafında “qəza təəssüratı” yaradacaq.

"Ölkə.az" xəbər verir ki, bu barədə Ukrayna Müdafiə Nazirliyinin Baş Kəşfiyyat İdarəsi məlumat yayıb.

“Bunun üçün birbaşa Zaporoje AES-in ərazisinə zərbə endiriləcək. Bundan sonra radioaktiv maddələrin havaya sızdığını açıqlayacaq. Hadisədə ənənəvi olaraq Ukrayna günahlandırılacaq”, - məlumatda deyilir.

İdarənin məlumatına görə, ruslar öz addımlarını mümkün qədər gizlətmək üçün Atom Enerjisi üzrə Beynəlxalq Agentliyin missiyasının mayın 26-na planlaşdırılan səfər proqramını pozublar.