Ankaradan Parisə xəbərdarlıq: Türkiyəyə qarşı bu hərbi ittifaqın uğur şansı yoxdur

"Bəzi Avropa rəsmilərinin ölkəmizi hədəf alan son açıqlamaları Türkiyənin regional rolu və Avropa təhlükəsizlik arxitekturasındakı mövqeyi ilə bağlı açıqlamalar müttəfiqlik və həmrəylik prinsipləri ilə uyğun gəlmir. Bundan əlavə, NATO üzvü Fransanın müxtəlif ssenarilərə əsaslanaraq verdiyi açıqlamalar gərginliyi artırır və regional sülhə və sabitliyə zərər vurma riskini yaradır".

Ölkə.az xəbər verir ki, bu barədə Türkiyə Milli Müdafiə Nazirliyinin açıqlamasında deyilir.
Məlumatda daha sonra qeyd olunur: “Hər kəsə xatırladırıq ki, bölgəmizdə cəhd edilən hər hansı bir hərbi ittifaqın Türkiyəyə qarşı heç bir uğur şansı yoxdur”.

Məsələ ilə bağlı mövqeyini açıqlayan müdafiə naziri Yaşar Gülər bildirib ki, qarşıdakı dövrdə təhlükəsizlik və sabitliyin təhlükə altında olduğu hər vəziyyətdə Türkiyəyə qarşı çıxanlar deyil, Türkiyənin yanında olanlar qalib gələcək. 

Milli Müdafiə Nazirliyi Fransa qoşunlarının Kipr Rum Administrasiyasına yerləşdiriləcəyi ilə bağlı xəbərlərlə bağlı açıqlamasında isə deyilir: "Türkiyə beynəlxalq hüquqa uyğun hərəkət edir və bölgəsində sülhün və sabitliyin qorunmasını prioritet hesab edir. Lakin bu yanaşma həm ölkəmizin, həm də Şimali Kipr Türk Respublikasının milli hüquq və mənafelərindən güzəştə gedəcəyimiz anlamına gəlmir. Kipr adasının təhlükəsizliyi və sabitliyi ilə bağlı tənzimləmələr beynəlxalq müqavilələrlə müəyyən edilir və Türkiyə qarant ölkələrdən biridir. Fransanın Cənubi Kiprə qoşun yeridilməsi ilə bağlı açıqlamalarının əsasında hansı konkret təhlükəsizlik ehtiyacının dayandığı hələ də bəlli olmasa da, bu cür təşəbbüslər mövcud həssas tarazlığı pozmaq və gərginliyi artırmaq riskini daşıyır. Bir daha bildiririk ki, bu cür təşəbbüslər Kipr Rum Administrasiyası üçün gələcəkdə təhlükəsizlik riskləri yarada bilər və regional sabitliyi sarsıda biləcək addımlardan çəkinmək lazımdır".

 Mürtəza