Trampdan şok açıqlama: Moskva bu halda Kiyevi bir gündə məğlub edərdi…

Rusiyanin Kiyevi bir gündə alıb, mühraibəni bitirib Ukraynanı məğlub etmək şansı var idi, amma bunu bacarmadı.

Ölkə.az xəbər verir ki, bunu ABŞ Prezidenti Donald Tramp "Axios”a müsahibəsində deyib.
"Hər şey başlayanda Putinin yüzlərlə tankı birbaşa Kiyevə doğru beton şosse ilə, çox yaxşı, qaya kimi möhkəm bir şosse ilə hərəkət edirdi. Və təxminən yolun yarısında onlar üç saata ora çata bilərdilər, saatda təxminən 51 mil sürətlə hərəkət edirdilər ki, bu da bir tank üçün maksimum sürətdir", - Tramp qeyd edib.

Tramp əlavə edib ki, yəqin o uzun tank kolonunu xatırlayırsınız: “Bir general var idi, yəqin ki, artıq bizimlə deyil. O, birbaşa Kiyevə gedib müharibəni ilk gün bitirmək əvəzinə, əkin sahələri və palçıqdan keçmək qərarına gəldi. Və çox keçməmiş güclü yağış yağdı və tanklar palçığa ilişib qaldı.

Əgər general beton magistral yolla sadəcə maşın sürsəydi, dörd saata Kiyevə çatardı və Ukraynanın buna qarşı durmaq üçün heç bir yolu olmazdı. Müharibə bir günə bitərdi. Bu, böyük bir səhv idi. Və bu, müharibənin niyə həmişə riskli olduğunu göstərir. Çünki bir generalın bir qərarı hər şeyi dəyişə bilər".

Tramp onu da bildirib ki, Ukrayna ABŞ-nin veürdiyi “Javelin"lərlə həmin tank kolononu məhv etdi:  “Ukraynaya bundan əvvəl də "Javelin"lər vermişdim. Onlar həmin tankları məhv etdilər. Hamı deyirdi: "Nə baş verir?" Çünki onların peykləri var idi və karvanın günlərlə hərəkət etmədiyini gördülər. Sonra havadan və peyklərdən zərbələr endirildi. Sanki bataqlıqda ilişib qalmışdılar”.

Mürtəza