"Kim olmasından asılı olmayaraq, addım atırıq" - Rusiya rəsmisindən Ermənistan qərarı
Ölkə.az xəbər verir ki, qərar yüngül sənaye məhsulları üçün verilmiş dörd sertifikatı və "ARMTEST" MMC ilə "ARM-TEST" MMC tərəfindən təsdiqlənən qida məhsulları bəyannamələrini əhatə edir. Sənədlərin fəaliyyətinin dayandırılmasına səbəb kimi məhsul nümunələrinin idxalını təsdiq edən sənədlərin olmaması və sınaq hesabatlarının təqdim edilməməsi göstərilib.
Məlumata görə, "ARMTEST" MMC ilə bağlı qəbul edilən qərar erməni tərəfinin mövqeyi ilə də üst-üstə düşür. Belə ki, sözügedən təşkilatın sənədləri artıq Ermənistanın Milli Akkreditasiya Orqanı tərəfindən ölkə daxilində də ləğv edilib.
"Biz seçici şəkildə deyil, qanun pozucusunun hansı ölkəyə tabe olmasından asılı olmayaraq, aydın meyarlar əsasında hərəkət edirik. Avrasiya İqtisadi İttifaqındakı (Aİİ) tərəfdaşlarımızla bu istiqamətdə sıx əməkdaşlıq edirik", - deyə "Rosakkreditasiya"nın rəhbəri Dmitri Volvaç məsələyə münasibət bildirərkən vurğulayıb.
Elvin
Ölkə.az
